O Máster en Software Libre organiza unha xornada de portas abertas ao público para o vindeiro 18 de marzo.
Esta xornada aberta realízase xusto antes de comezar cos dous últimos módulos do mestrado, o de desenvolvemento web e desktop&mobile para os que o proceso de inscrición aínda están abertos.
O título da xornada aberta será “Experiencias en Software Libre da Rede do Máster en Software Libre” e trataranse temas relacionados coas experiencias de ex-alumnos e profesores ao redor do software libre. Estas xornadas permitirán ver como o software libre serviu de base para crear unha empresa, implantar ferramentas de xestión dun equipo de I+D, para o desenvolvemento de proxectos de I+D ou para realización de actividades de difusión ao redor do software libre.
O programa da xornada é o seguinte:
- 16:00 – 17:00 Jesús María González-Barahona. Profesor do Grupo de Sistemas e Comunicacións (Libre Soft) da Universidade Rey Juan Carlos de Madrid.
- 17:00 – 17:45 Roberto Vieito Raña. Ex-alumno da I edición do Master de Software Libre (edición Galicia), socio fundador de Ghandalf. Existe a posiblidade de que estean tamén presentes outros membros da asociación.
- Título: Asociación Ghandalf: Rede de ex-alumnos do master de Software Libre
- 17:45 – 18:30 Pablo Sangiao . Ex-alumno da I edición do Master de Software Libre (edición Galicia) e traballador en Icarto.
- Título: Icarto e a súa implicación en gvSIG
- 18:30 – 18:45 Descanso
- 18:45 – 19:30 Andrés Estévez. Ex-alumno da I edición do Master de Software Libre (edición Galicia) e traballador en Gradiant.
- Título: Outros campos de aplicación do software libre
- 19:30 – 20:15 Xulio Coira. Ex-alumno da III edición do Master de Software Libre (edición Galicia) e traballador en Arteixo Telecom.
- Título: Xestión da I+D con software libre
A xornada terá lugar na sede da Obra Social Caixanova en Vigo, está aberta á participación do público en xeral e é de balde, tan só é preciso o rexistro a través do Formulario de Inscrición habilitado ao efecto por cuestións de aforo. Posto que este é limitado, a inscrición farase por rigorosa orde de recepción.
Fonte: Máster en Software Libre
