Realizar tarefas de maquetación co procesador de textos OpenOffice.org Writer non é sempre tarefa sinxela. Así por exemplo combinar nun mesmo documento páxinas en formato vertical e horizontal é posible pero é preciso crear distintos estilos de páxina e escollelos convenientemente.
Alba é unha extensión que permite xestionar facilmente a orientación das páxinas. Engade un novo elemento ao menú Inserir. Ao seleccionar este elemento, teremos 4 opcións de escolla: Modificar a orientación da sección actual, crear unha única páxina coa orientación diferente das demais ou modificar o estilo de páxina actual acorde ao formato da páxina actual.
Pagination engade ao menú Inserir a entrada Número de páxina. Seleccionándoa aparecerá unha ventá de diálogo na que poderemos escoller onde situar o número de páxina (cabeceira ou pé), a xustificación do número, o tipo de numeración a empregar así diferenciación da numeración en páxinas esquerdas, dereitas ou na primeira páxina. Todo isto pode facerse sen a extensión pero con moito máis traballo pois hai que navegar por distintas opcións dos menús.
Fonte: Linux.com
