A cota de uso do navegador de Mozilla segue medrando en toda Europa, especialmente nos países centroeuropeos, onde xa superou o 50 por cento do mercado segundo as últimas estatísticas. No que respecta á cota de mercado mundial Firefox posúe un cuarto do total de usuarios, mentres que Internet Explorer continua perdendo usuarios masivamente, debido tamén en parte ao crecemento de uso doutros navegadores como Safari, Chrome e Opera.
Segundo a firma de servizos web Net Applications, o mes de outubro rematou coa suma dos Internet Explorer por debaixo do 65 por cento da cota de mercado mundial, unha cifra nunca vista dende que o navegador de Microsoft iniciara o seu despegue tras superar a Netscape.
O desenvolvemento da Fundación Mozilla superou o 25 por cento a nivel global. Mentres os novos datos detallados para Europa publicados por Gemius Ranking, indican que Firefox conta xa con máis do 50 por cento da cota de uso en países centroeuropeos e de Europa do leste, como a República Checa, Bulgaria, Estonia, Hungría, Lituania, Letonia, Polonia, Rusia e Ucrania.
Fonte: muycomputerpro.com
