A Free Software Foundation (FSF) liberou onte o terceiro borrador da versión 3 da licencia de Software Libre máis empregada, a GNU General Public License (GNU GPL).
O borrador de onte incorpora as aportacións recibidas do público en xeral, dos comités oficiais de discusión, e dúas conferencias internacionais celebradas na India e Xapón. Fixéronse moitos cambios significativos desde o anterior borrador, liberado en xullo de 2006. En consideración a este fito, a FSF planea agora publicar un borrador adicional antes do texto definitivo da GPL versión 3…
O borrador estará aberto para discusión os próximos 60 días.
Máis información deste borrador está dispoñible en http://gplv3.fsf.org, onde está o texto completo, explicacións detalladas dos últimos cambios e os novos planos para rematar a licencia.
