Dende GALPon nos avisan da celebración dun curso de introdución ao uso de software libre e estándares abertos, dirixido a directivas de ANPA da provincia de Pontevedra e organizado pola FANPA.
O curso terá lugar o vindeiro 27 de febreiro de 2010, de 9:30 a 14:30 horas e de 16:30 a 19:30 horas, na aula nº 1 da 3ª pranta do Centro Cultural Caixanova de Pontevedra.
Os contidos a impartir son os seguintes:
- 9:30 – 14:30 : Procesador de texto, folla de cálculo e elaboración de presentacións con OpenOffice.org.
- 16:30 – 19:30: Elaboración de presentacións, xestión de correo e mensaxería instantánea.
As sesións impartiranse a grupos de 10 persoas, cubríndose as prazas por rigurosa orde de inscrición.
Os interesados poden anotarse por correo electrónico ou por teléfono, podendo inscribirse só á sesión de mañá ou á de tarde, aínda que terá preferencia quen se inscriba para o día completo. Debido ao número limitado de prazas, prégase que no momento de inscribirse se comprometan a asistir ou, en caso contrario, a anular a súa asistencia con antelación suficiente para poder cubrir a praza.
Dende GALPon tamén informan que están xestionando este mesmo curso para a comarca do Deza e Vilagarcía de Arousa, ainda que está pendente de determinar as datas para os mesmos.
Fonte: GALPon
