Os amantes dos xogos de estratexia en tempo real teñen bastante variedade de xogos onde escoller no eido do software libre. Unha desas opcións é Glest, un proxecto de código aberto, con gráficos 3D, gratuíto e totalmente personalizábel. Dende Mancomún xa informáramos de versións anteriores deste xogo, pero nos últimos tempos experimentou unhas melloras importantes.
A versión actual e totalmente xogábel e inclúe partidas de un xogador conta opoñentes controlados pola CPU, e ao contrario que anteriores versións, esta xa permite partidas multixogador, tanto en rede local como a través de Internet de ata catro xogadores.
Este xogo pódese personalizar facilmente mediante ficheiros de configuración en formato XML. E dicir, poderemos definir parámetros como a vida, a maxia, a visión, as habilidades, as ordes e os modelos 3D asociados a cada unha das unidades coas que poderemos xogar.
Glest dispón de ferramentas que permiten modificar o xogo sen ter que programar nin compilar. Estas ferramentas inclúen un editor de mapas, visor de modelos G3D, exportador de 3DSMax, unidades de exemplo e titoriais.
As características máis sobranceiras xa desenvolvidas que ten este xogo son:
-
Pódese definir escenarios (tilesets)
-
Pódense definir as súas texturas para a superficie dos modelos 3D dos obxectos, sons de ambiente, etc.
-
Pódese editar mapas co Glest Map Editor
-
Sombras realistas (shadow mapping ou shadow volumes)
-
Mapa de desniveis para o terreo
-
Movemento de cámara totalmente libre
-
Formato 3D propio que se pode exportar dende o 3DStudio Max usando o G3D export plugin, pero tamén existen ferramentas para Blender
-
Modelos animados mediante keyframes
-
Sistemas de partículas para a choiva, néboa, lume e maxias
-
Efectos clásicos do 3D: transparencia, néboa, iluminación dinámica, etc
-
Son estático e streaming (usando os formatos wav e ogg)
Fonte: deambulando.com
