Glest é un xogo de estratexia de ambientación fantástica e medieval. Ten licenza [[GPL]] e está dispoñible para diferentes plataformas (GNU/Linux, FreeBSD e Windows). A comunidade de xogadores estivo moi activa desde que foi publicado como Software Libre, creáronse moitos mods e realizáronse diversas melloras. A pesar de ser un bo xogo, ten dúas carencias: falta de modo multixogador e falta dunha opción para gardar a partida.
Esta situación está cambiando aos poucos e os desenvolvedores do xogo fixeron unha actualización incluíndo soporte experimental para xogo en liña.
E non só isto, desde o blogue de Josezpin podemos atopar enlaces a diversos parches e ampliacións: un parche experimental para gardar partidas e un port a Mac do xogo, entre outros. O soporte multixogador atópase nun estado moi básico e por agora foi só probado en Windows.
Descarga: Sourceforge.net
Fonte: Linuxjuegos.com
