Gnome Nanny é un aplicativo de control parental que está a ser desenvolvido por OpenShine para a Junta de Andalucía para incluílo na súa distribución autonómica Guadalinex e que está desenvolverse dentro do proxecto GNOME.
Gnome Nanny permite controlar dun xeito sinxelo o uso que fan os menores do computador. Inclúe as seguintes funcionalidades:
- Facilita o filtrado de sitios ou páxinas web que se lles permiten visitar aos distintos usuarios, permitindo descargar listas de sitios non desexables dende a rede.
- Posibilita a configuración das horas de cada día da semana ou por canto tempo poden facer determinadas actividades os usuarios do equipo como:
- Empregar o computador.
- Navegar pola rede.
- Facer uso do correo electrónico.
- Utilizar a mensaxería instantánea.
Aínda non existe unha versión estable, pero xa pode descargarse unha versión de desenvolvemento bastante avanzada.
Panel de configuración do aplicativo:
Fonte: Forja Guadalinex
