Gnumeric é a folla de cálculo que ven instalada de forma predeterminada baixo a sección “Oficina” do escritorio GNOME. O obxectivo de Gnumeric é ser a mellor folla de cálculo posible, evitando ser un clon das aplicacións existentes. Sen embargo, Gnumeric pode ler ficheiros gardados con outras follas de cálculo (Excel, 1-2-3, Applix, Oasis/OOo, Lotus, Psion, Sylk, XBase Quattro Pro, Dif, Plan Perfect, e Oleo) e tenta ofrecer un contorno moi semellante a outras aplicacións para que o custe de adaptación sexa mínimo.
Algunhas capturas de pantalla amosando diversas funcionalidades de Gnumeric, poden verse premendo en “Ler máis”:
- A primeira vez que se lanza Gnumeric, a súa apariencia é a seguinte.
- O novo diálogo de formatado de celas foi mellorado. A continuación imaxes amosando o formatado do fondo da cela, borde, fonte, e numeración das páxinas.
- Gnumeric conta con ferramentas de análise estatístico (regresión, análise de Fourier, correlación, …).
- Na seguinte imaxe, pode ver como Gnumeric soporta os distintos formatados e bordes de cela de Excel.
- Pode personalizar as opcións de impresión de varias maneiras: configuración da páxina, cabeceiras e pés de páxina, marxes, detalles de páxina, previsualización da impresión.
