O día 14 de outubro de hai 15 anos que Matthias Ettrich enviaba o correo "New Project: Kool Desktop Environment (KDE) [14th October 1996 03:00] Programmers wanted!" que marcou o nacemento de KDE.
Para celebralo a comunidade KDE de todo o mundo está organizando diversas celebracións mundiais e por toda a xeografía española.
A asociación GPUL, en colaboración con KDE España, quere unirse a este día organizando unha xornada festiva para o venres 14 de Outubro, incluíndo as seguintes actividades:
- 18:00 Ponencia: Historia de KDE
- 19:00 Ponencia: Como colaborar con KDE
- 20:00 Celebración XV aniversario de KDE
- 22:00 Cea aniversario de KDE.
A xornada (excepto a cea) terá lugar na Aula de Graos da Facultade de Informática da Universidade da Coruña, as ponencias e a celebración están abertas ao público e son de carácter gratuíto. Repartiranse agasallos entre os asistentes ata fin de existencias.
Para todos aqueles que desexen asistir á cea, en breve anunciarán o local onde se celebrará e estímase un prezo duns 6 € por persoa.
Esta actividade forma parte parte das actividades realizadas co financiamento da Xunta de Galicia a través do Convenio de Colaboración das AGUSL coa Secretaría Xeral de Modernización e Innovación Tecnolóxica da Xunta de Galicia incluído dentro do Plan de Acción FLOSS 2011.
