GPUL acaba de convocar por medio da súa páxina web, a todos os seus socios ao proceso electoral para elixir a nova xunta directiva da asociación.
O chamamento ás urnas é o seguinte:
Convócanse eleccións á Xunta Directiva de GPUL.
As datas máis importantes do proceso electoral son as seguintes:
-
19 de novembro: Último día no que se admiten candidaturas á Xunta Directiva.
-
20 – 22 de novembro: Prazo de presentación de reclamacións á lista provisional de candidaturas.
-
20 de novembro – 3 de decembro: Campaña electoral.
-
23 de novembro: Publicación da lista definitiva de candidaturas á Xunta Directiva.
-
3 de decembro: Celebración de eleccións e nomeamento da nova Xunta Directiva.
O censo electoral estará composto polos socios da asociación a día de hoxe, é dicir, todos os socios con número de socio igual ou inferior a 310.
Todas as candidaturas deberán expor unha motivación e estar formadas por un presidente, un vicepresidente, un tesoureiro, un secretario e tres vogais.
A Xunta Directiva en funcións anima a tódolos socios a participar activamente nestas eleccións e queda a disposición dos socios para calquera dúbida que teñan acerca do proceso electoral.
