OpenShot, o editor de vídeo non lineal para GNU/Linux do que xa falamos nesta páxina, está a experimentar ultimamente grandes melloras, que o achegan a converterse no mellor editor de vídeo doméstico desexábel.
Entre os cambios recentes máis interesantes de cara á sinxeleza para instalar este programa é a creación duns repositorios PPA. Agora pódese instalar OpenShot de forma moi simple. Esta é a lista de repositorios que teremos que engadir á nosa Ubuntu para dispoñer deste editor:
- Para Ubuntu 9.04 (Jaunty)
- Para a vindeira Ubuntu 9.10 (Karmic)
Unha vez engadidos estes repositorios, bastará con teclear nunha terminal as seguintes ordes:
sudo apt-get update
sudo apt-get install openshot
No apartado de melloras no funcionamento do programa, hai unha que destaca por méritos propios: a inclusión de efectos de vídeo e son.
O equipo de desenvolvemento de OpenShot incluíu, na versión 0.9.42, trinta efectos de vídeo e tres de son. Entre os efectos de vídeo podemos atopar:
- Vídeo en branco e negro
- Pixelado
- Auga
- Vídeo en sepia
- Desenfoque
- Espello
- Granulado antigo
- Resplandor
E moitos máis, ata o total dos trinta que foron engadidos. No apartado de son, os efectos engadidos foron:
- Phaser
- Pitch (“ton”)
- Ecos
OpenShot, un fantástico aplicativo que se está a converter rapidamente nun dos mellores dentro da súa categoría.
