gvSIG Mini é un visor de mapas para dispositivos móbiles que actualmente é compatíbel cos servizos de mapas baseados en teselas, como son o caso de OpenStreetMap, Yahoo Maps, Microsoft Bing e outros.
As principais características deste aplicativo son:
- Visualización de imaxes de satélite, cartografía renderizada ou híbrida.
- Busca de enderezos
- Baixo uso do ancho de banda da conexión a internet
- Uso sen conexión a internet
- Descarga de mapas
- Navegación polo mapa: zoom, desprazamento con arrastrar e soltar.
- Mostrar a posición actual do GPS
- Busca de POI (puntos de interese)
- Calculador de rutas entre dous puntos
gvSIG Mini pódese descargar para dispositivos con sistema operativo Android ou para todos aqueles que sexan compatíbeis con Java. A versión para Java tamén inclúe un cliente WMS e a versión para Android trae consigo un cliente Tweetme, información meteorolóxica e o uso do acelerómetro para facer zoom á posición actual).
gvSIG é un proxecto financiado por Prodevelop, S.L., o IMPIVA da Generalitat Valenciana e Fondos FEDER da UE.
