Os premios Bossie de InfoWorld pretenden premiar todos os anos os 40 proxectos de software libre máis destacados no mundo empresarial e dos profesionais das TIC, divididos en catro categorías: software empresarial, ferramentas de desenvolvemento, software para traballo en rede e plataformas e software de conectividade.
Así, os dous mellores proxectos en software libre empresarial, segundo InfoWorld, son Compiere ERP e Openbravo. Orixinalmente, aínda que os dous proveñen do mesmo código fonte, ambas as dúas compañías tomaron diferentes direccións.
Ademais destes dous co-gañadores, OpenERP e OFBiz merecen o seu recoñecemento. OpenERP mellorou significativamente a súa robustez e o seu abano de funcionalidades, incluíndo “Business Intelligence” e fluxos de traballo.
Apache OFBiz defínese así mesmo como un software de automatización en software libre; inclúe un conxunto de aplicativos empresariais que integran e automatizan moitos dos procesos de negocio dunha empresa: “ERP, CRM, E-Comercio, SCM, MRP, CMMS/EAM e mais.Nas seguintes ligazóns poden verse os 10 mellores en cadansúa categoría:
–As mellores ferramentas de desenvolvemento
–Os mellores aplicativos de software empresarial
–Os mellores aplicativos de traballo en rede
–Os mellores aplicativos/plataformas de conectividade
Máis información na fonte orixinal da nova (en inglés):
http://www.infoworld.com
