iVIS é un proxecto levado a cabo pola Asociación de Municipios para o Desenvolvemento Conxunto de e-servizos en Suecia. A idea é desenvolver unha plataforma de software libre que permita crear diferentes aplicacións administrativas para as escolas, tanto para equipos de sobremesa como para dispositivos móbiles. É un proxecto financiado tamén en parte pola Axencia Sueca de Innovación.
O próximo mes de setembro, co comezo do novo curso académico comezará a funcionar a primeira fase do proxecto con algún dos desenvolvementos que xa están realizados.
Neste caso trátase dunha aplicación para a xestión de incidencias que teñan lugar nas escolas. Nesta primeira fase está prevista tamén a implantación dunha aplicación para a xestión do transporte escolar.
As dúas aplicacións comenzaranse a probar nunha escola piloto e posteriormente irán incorporándose moitos máis centros ao longo do ano.
Fonte: Joinup
