A aplicación Jarifa, desenvolvida pola Universidade de Estremadura en colaboración coa Universidade de Berkeley, é unha ferramenta que permite crear un sistema grid baseado en BOINC.
Jarifa deseñouse para situacións nas que unha institución (por exemplo, unha universidade) decide utilizar os PC que posúe para crear un sistema grid libre e barato baseado en BOINC. Con Jarifa, é posible agrupar os PC en conxuntos de maneira que a configuración de N PC realícese unha soa vez en Jarifa e non en cada PC. Jarifa permite configurar o uso de CPU, memoria, disco duro, uso da rede, franxa horaria, etc desde unha única web, de maneira que a xestión sexa o máis sinxela posible.
Ademais, Jarifa facilita que outras entidades colaboren doando recursos computacionais, PC, á institución que executa Jarifa dunha maneira sinxela e transparente. Jarifa, grazas á utilización do protocolo de xestión de contas BOINC, pode traballar con clientes BOINC GNU/Linux, Microsoft Windows e MacOSX, polo que calquera institución pode utilizar Jarifa para crear o seu sistema grid baseado en BOINC de maneira sinxela e barata.
O software (liberado baixo unha licenza Affero 3.0) e a documentación están dispoñibles.
Fonte orixinal da nova:
http://softlibre.barrapunto.com/
