Dende CiberIrmandade veñen de informarnos de que xa se pode descargar o paquete coa tradución ao galego da parte administrativa (panel de control) de Joomla! 1.5.2. Esta tradución está baseada no traballo feito por voluntarios e voluntarias no TraduCIF na web de ciberirmandade.org. Todo o traballo do voluntariado foi coordinado por Daniel Muñiz de Trasno. Esta é a primeira vez que, grazas a este paquete, podemos dispor do panel de control totalmente traducido ao galego.
Páxina de descargas de tradución de Joomla! ao galego de CiberIrmandade:
Descargas lingua galega Joomla!
Ademais desde CiberIrmandade queren facer un chamamento para que se colabore na tradución do software WinMerge, software libre que nos permite visualizar diferenzas entre varios ficheiros e unilos nun só segundo especifiquemos. Este software é moi útil para ver os cambios que hai entre distintas versións dun mesmo ficheiro.
