Os días 11 e 12 de decembro terá lugar en Barcelona o Joomla! Day Spain.
O venres día 11 celebraranse tres actividades en paralelo, para deseñadores, programadores e empresas. O sábado 12 vai ser o día da comunidade, o Joomla!Day Spain BCN 2009, aberto a todo o mundo, e con interesantes charlas sobre este popular xestor de contidos. As actividades durarán dende as 9:30 da mañá ás 20:00 da tarde, e pódense consultar na axenda en liña. Estas charlas inclúen:
- Un discurso de benvida de Johan Janssens, co-fundador de Joomla!
- Joomla 1.6, de Alex Kempkens, creador da moi empregada extensión Joomfish
- Unha mesa redonda onde se falará de casos de éxito
- Unha conferencia sobre as extensións máis útiles, por Jordi Sala
- Charlas sobre SEO, seguridade, comunidade…
Joomla! Day é un evento creado exclusivamente para Joomla!, para os seus usuarios e os proxectos relacionados. É un evento aberto a todos. Joomla! Day non é en ningún caso un evento comercial con fins lucrativos.
O obxectivo deste evento é ofrecer unha oportunidade aos usuarios de joomla! Para coñecer e aprender xuntos. Nun Joomla!day adoita haber conferenciantes que tratan unha ampla variedade de temas, entre eles algún membro do equipo de desenvolvemento. Os Joomla!Day son organizados polas comunidades locais dos diferentes países ou nacións.
Fonte: barrapunto.com
