KDE anuncia o Proxecto Silk

KDE acaba de anunciar recentemente a través da súa lista de desenvolvedores o seu novo proxecto , o Proxecto Silk. Esta iniciativa xurdiu na popular conferencia de KDE, a Akademy 2009 co propósito de integrar toda a información e os servizos da web en aplicativos do escritorio KDE. Co fin de rematar coas limitacións que teñen os navegadores á hora de interactuar coa web.

Este proxecto ten como meta tres obxectivos principais:

• Facer que o contido da web sexa máis facilmente accesíbel para os aplicativos KDE.

• Facer que os aplicativos da web sexan de cidadáns de primeira categoría no escritorio KDE.

• Mellorar os clientes de KDE mediante interactuación coa web, mellorando ao mesmo tempo a experiencia da web en xeral.

Exemplos claros deste novo concepto son o contorno de traballo dos servizos de Amarok, a integración de OpenStreetMap en Marble, a capacidade de subir imaxes a Internet dende Digikam ou a compatibilidade de GetHotNewStuff cos compoñententes de Plasma entre outros.

O Proxecto Silk non empeza de cero, xa que o seu código xa está dispoñíbel no repositorio Git e tamén se pode probar o seu aplicativo web experimental Selkie.

Fonte: http://www.vivalinux.com.ar/desktop/proyecto-silk