Kdenlive é un editor de vídeo non-linear para o escritorio KDE. Ademais, acaba de saír a versión 0.7 que é a primeira versión para KDE 4.
Esta é unha primeira lista de melloras sobre a anterior versión de KDE 3:
- Aumento considerable en todas as operación da liña de tempo.
- Captura desde diversas fontes: DH, HDV, webcam e pantalla
- Máis efectos e transicións
- Característica de desfacer completa con historial
- Mellor integración con KDE
Kdenlive permite a edición de múltiples formatos, máis concretamente todos aqueles que poida editar FFmpeg: DV, HDV, mpeg, avi, mp4, mov, flv, ogg, wav, mp3 e vorbis. Referido aos formatos de imaxe, pode traballar cos seguintes: gif, png, jpeg, xcf, exr, tiff e svg…
Para organizar a liña de tempo pódense usar guías e marcadores, ademais de facer buscas na mesma. Kdenlive tamén ofrece a posibilidade de copiar e pegar os vídeos, efectos e as transicións, coa posibilidade de ver en tempo real estes cambios.
Tamén ten a opción de captura vídeo desde un dispositivo Firewire DV e HDV.
