Despois de case 9 anos de vida, o proxecto Krusader lanza a versión 2.0.0 do seu xestor de ficheiros, agora actualizado para poder ser usado en KDE 4.
Krusader é un avanzado e potente xestor de ficheiros con paneis xemelgos, ao estilo do famoso Midnight Commander (en modo texto). Con Krusader poderás facer a maioría de xestións que poidas necesitar: desde traballar con ficheiros comprimidos (tar, zip, bzip2, rar, arj, rpm), sistemas de ficheiros montados, outros protocolos como FTP, SMB e Fish, até realizar buscas avanzadas, visualizar e editar ficheiros, sincronizar directorios, comparar contido de ficheiros, renomeamento recursivo de ficheiros, e incluso permite o envío de correos-e a través do Thunderbird coa posibilidade de incluír adxuntos.Krusader pode funcionar en calquera contorno de escritorio (Gnome, Xfce, AfterStep,…), sempre e cando se teñan as bibliotecas de KDE e QT necesarias. Ademais, esta última versión está portada ás bibliotecas QT4 (multiplataforma desde a versión 4), e está comezando a ter compatibilidade, aínda que de xeito experimental, con Windows.
Nas seguintes imaxes podedes ver as semellanzas entre o Midnight Commander (en modo texto) e o Krusader:
Midnight Commander
Krusader
Notas de lanzamento da última versión:
http://www.krusader.org/text.php?t=krusader-2.0.0.notes
Lista de cambios da última versión:
http://www.krusader.org/text.php?t=krusader-2.0.0.changelog
