A comunidade de usuarios de software libre ten xa á súa disposición un novo aplicativo libre para móbiles, despois de que fose liberado Culdaw.
Trátase dun software libre para dispositivos móbiles symbian s60 que permite compoñer música de forma colaborativa entre varias persoas. Inclúe un secuenciador de pasos con sons de batería e un sintetizador de baixos.
CULDAW significa Collaborative Ubiquitous Digital Audio Workstation (Estación de traballo dixital, colaborativa e ubicua). Pódese descargar dende a plataforma de desenvolvemento Sourceforge.net, onde tamén está dispoñíbel o código fonte.
Fonte: Sourceforge.net
