Os obxectivos do Máster teñen orientación profesional e investigadora. No ámbito profesional, a intención é formar a técnicos especializados en TIC, Informática Social e Desenvolvemento Urbano-Rexional, cubrindo novos postos de traballo na administración pública e nas comunidades locais como axentes de desenvolvemento social especializados en novas tecnoloxías. En termos de investigación, o obxectivo é formar a investigadores de excelencia especializados en técnicas de investigación cuantitativa e cualitativa.
Ata o vindeiro 30 deste mes pódese realizar a preinscrición.
Este máster ofrece 10 bolsas de matrícula e prácticas remuneradas para todos os alumnos e alumnas que decidan realizalo. Ademais proporciona a posibilidade de realizar a metade do curso en prestixiosas universidades europeas: Universidade Do Porto (Portugal), Universidade do Minho (Portugal) e University College Cork (Irlanda).
Toda a información atópase na páxina Posgrao Propio da USC, ou a través do enderezo electrónico master @ gist-idega . org.
