A Fundación Mozilla e Zazzle chegaron a un acordo a través do cal abriron a Mozilla Community Store, unha tenda en liña na que se poden adquirir produtos personalizados coa imaxe dos produtos de Mozilla con deseños elaborados polos usuarios, de xeito que se fai doado vestir camisetas (o principal produto da tenda) con debuxos inspirados no Firefox, o Thunderbird ou outras plataformas de código aberto.
Na nova tenda só temos que elixir o deseño dos que máis gustemos (ou propor un propio) e logo o tipo de prenda na que queremos que se estampe, partindo de prezos de 15 dólares e contando con camisetas dende a talla S ata a 6XL, de xeito que podemos contribuír coa Fundación Mozilla á vez que vestimos as súas distintas marcas e logotipos.
Fonte: Código Cero
