Mozilla fixo público a nivel mundial o lanzamento de “Fashion Your Firefox“, unha nova aplicación web para que os usuarios poidan personalizar o seu navegador con add-ons (complementos) da forma máis sinxela posible. Os add-ons ou complementos son pequenos programas que engaden novas características ou funcionalidades que permiten personalizar o navegador segundo usos ou gustos.
“Fashion Your Firefox” está dividida en categorías dependendo do uso e actividade de cada usuario en Internet, algunhas das categorías son as seguintes:
- Shutterbug: Unha forma sinxela de ver e compartir vídeos e fotos.
- Rock Star: Escoita música mentres navegas, escribes mails ou traballas en Internet.
- News Junkie: Noticias e predición meteorolóxica a tempo real.
- Shopaholic: Compra en tendas online.
- Dixital Pack Rat: Seguimento de webs, favoritos e blogs.
- Social Butterfly: Comparte e marca sitios en internet e envíaas a través de correo electrónico con ferramentas de social networking.
- Finder and Seeker: Atopa información relevante
- Decorator: Instala temas para configurar o aspecto do navegador.
- Executive Assistant: Organiza actividades online.
A nova plataforma estará dispoñible de momento tan só en inglés.
Fonte: Mozilla
