MuseScore é un programa de notación musical libre multiplataforma, con licenza GNU GPL do que xa falamos hai tempo.
Esta aplicación está a ter un desenvolvemento activo e acadando unha importante comunidade. O pasado setembro publicouse a versión 0.9.3 da que, segundo as estatísticas de sourceforge, xa houbo unhas 10.000 descargas.
Esta aplicación vén de ser traducida ao galego polo voluntario “Xosé” quen a enviou ao proxecto á espera de que a inclúan no programa e tamén a incorporou no noso wiki na lista de aplicacións dispoñibles en galego.
Algunhas das súas características son:
- WYSIWYG, as notas escríbense nunha “partitura virtual”
- Número ilimitado de pentagramas
- Ata catro voces por pentagrama
- Inserción doada e rápida das notas mediante o rato, o teclado ou MIDI
- Secuenciador integrado e sintetizador por software FluidSynth
- Importa e exporta MusicXml e ficheiros MIDI Estándar (SMF)
Tamén se poden ver algunhas capturas de pantalla que permiten ter unha primeira impresión das características desta aplicación.
Fonte: MuseScore
