A Comunidade KDE ten unha nova páxina de hardware , onde se recompilaron todos os dispositivos que poden ser adquiridos con software KDE por defecto.
Trátase de presentar aqueles proxectos que xa chegaron ao mercado, non aqueles nos que se está traballando.
Atoparemos dúas categorías: dispositivos que por defecto veñen con Plasma e dispositivos que opcionalmente soportan Plasma.
Dentro da primeira categoría atópanse: KDE Slimbook II, Kubuntu Focus e o Pinebook 11-polgadas.
Na segunda temos tres empresas: Slimbook, Tuxedo e ZaReason.
