Nova versión do xestor de contidos SPIP

{mosimage} SPIP 2.0 (Sistema para publicación por Internet) acaba de saír á luz tras 2 anos de desenvolvemento madurado. É un CMS con certas características que o fan diferente: nace dun movemento social solidario, igualitario, non técnico, a prol do web independente e proporciona recursos de calidade a centos de asociacións e institucións, especialmente de lingua francesa, pero tamén o podemos usar en galego, porque está 100 % traducido.

En SPIP fanse tanto webs de escolas como proxectos de arte e ensaio, pasando por webs corporativas, comerciais ou de empresa así como unha importante presenza na Administración.

Con cada nova versión SPIP faise máis doado de manexar e máis versátil tanto para as persoas que  simplemente o usan para publicar coma para as desenvolvedoras. De feito é unha das súas características xa que resulta difícil atopar dous web con SPIP que se parezan.

Outra das súas mellores características é o seu enfoque cara o uso e a comunidade; a súa curva de aprendizaxe é suave de modo que permite comezar sendo un mero usuario e progresivamente ir adquirindo a capacidade de conseguir resultados absolutamente personalizados con contidos.

As novidades da versión cubren principalmente a confección dos esqueletos de presentación (templates) e á depuración do código que o van facer evolucionar máis rapidamente a partir de agora.

Se a instalación era simple, agora é aínda máis curta. Como sempre compatíbel con MySQL, PostGreSQL e SQLite. Tamén se simplifica a interface privada de xestión onde se fai uso profuso de Ajax para mellor confort do redactores. Unha vez instalado temos moito por descubrir:

– configuración de campos de contido
– restauración de copias de seguridade antigas, fusións, incrementais, parciais…
– xestión de plugins automáticos (á parte dos manuais9
– sistema de formularios de metodoloxía CVT (cargar, verificar, tratar)
– novo esqueleto predeterminado, tamén con funcións Ajax e moi parametrizábel (posibilidade de consultas complexas ás taboas da BD, adaptábel)
– utilización de varias bases de datos ou utilizar un único SPIP para múltiples webs (mutualización).
– URL personalizábeis
– Axudas visuais para o desenvolvedor de esqueletos, depuración, optimización, recálculo e tratamento de imaxes.
…
e por suposto unha comunidade multicultural e multilingüe que se encontra arredor das listas de distribución e o web de contribuíntes básico:  http://www.spip-contrib.net

Outras referencias iniciais
– Webs de SPIP en galego
– Mostras de deseños