Novas
Na primeira fin de semana de Febreiro en Bruxelas terá lugar unha vez máis a FOSDEM, reunindo a máis de 8000 desenvolvedores e usuarios de software libre, un lugar onde miles de desenvolvedores e usuarios intercambian ideas, experiencias e coñecementos técnicos relacionados con tecnoloxías libres.
En decembro xa se daban a coñecer que existían diversas vulnerabilidades nos procesadores fabricados dende 1995, pero cando se fixeron oficiais por parte dos fabricantes foi en xaneiro, e foi daquela cando publicamos unha nova sobre o estado das vulnerabilidades Meltdown e Spectre.
A SmartPeme de Pontevedra, dependente da Deputación de Pontevedra está ofrecendo uns eventos de formación para PEMES dentro dos cales están algúns relacionados con software libre. Como pode ser o de Comercio electrónico para micropemes ou o de Woocommerce, que consta de 2 módulos: Módulo 1 e Módulo 2.
Proxecto destacado
FacturaScripts é un software que xunta funcionalidades dos sistemas de xestión empresarial, tamén coñecido como ERP e dos sistemas xestores de relación cos clientes, ou CRM.
Trátase dunha aplicación web programada en PHP e liberada baixo a LGPL que serve para realizar xestión contable e facturación que destaca pola facilidade de uso e instalación, accesible dende calquera navegador e por ser un software modular que foi deseñado para poder ser ampliado mediante plugins de forma sinxela, podes ver todos os plugins dispoñíbeis no catálogo web.
