O Ateneo Ferrolán comunicou recentemente por medio da súa páxina web que organizará os 28, 30 e 31 de outubro as Xornadas GNU/Linux, unhas xornadas destinadas á promoción deste sistema.
Estas xornadas contarán cunha ampla gama de contidos que se distribuirán do seguinte xeito:
-
Mércores 28 de outubro: "Sen medos que é libre"
-
GNU/Linux: O proxecto GNU e o núcleo Linux.
-
Software libre: Filosofía e licenzas libres.
-
A comunidade: grupos de usuarios e participación.
-
Vantaxes e compatibilidade: En ocasións non todo funciona.
-
Distribucións: A variedade está chea de posibilidades.
-
Entendendo GNU/Linux: Usuarios, grupos, permisos, sistema de ficheiros, cartafoles…
-
Escritorios: Gnome, KDE e moitos outros…
-
Recursos en rede: Descarga, instalación e actualización.
-
-
Venres 30 de outubro: "Festa de instalación"
-
Obradoiro de instalación de GNU/Linux(Calquera pode levar o seu computador e un cable de rede para aprender a instalalo)
-
-
Sábado 31 de outubro: "Máis a fondo"
-
Instalación de aplicacións e repositorios.
-
Libre ou non libre: Códecs, controladores e engadidos.
-
Aplicativos e equivalencias libres: Ofimática, redes, gráficos, multimedia, xogos… e todo o que precises.
-
Configuración de redes con e sen fíos.
-
Emuladores e máquinas virtuais.
-
