O Editor de blogs Bilbo vese obrigado a cambiar o seu nome

O editor de blogs Bilbo veuse obrigado a cambiar o seu nome debido a problemas legais co copyright deste. O nome escollido para denominar agora a este aplicativo é Blogilo que en esperanto significa “ferramenta de blog”.

Como xa informamos anteriormente dende Mancomun.org a peculiaridade deste aplicativo e que se trata dun editor de blogs local, polo que non se fai a entrada do blog no navegador, senón que se redacta a entrada nun aplicativo que non está conectado á rede e posteriormente súbese á rede.

As características máis sobranceiras deste aplicativos son:

• Compatibilidade con Blogger, WordPress, MetaWeblog, MovableType e Google Gdata.

• Posúe un editor WYSIWYG

• Ten un editor HTML con cores

• É compatíbel coa creación, modificación e o borrado de entradas.

• É compatíbel coa creación de borradores e entradas programadas

• É compatíbel coa subida de material multimedia con imaxes

• Compatibilidade con categorías e etiquetas

• Cada entrada é un separador, o que facilita a súa creación

• Compatibilidade con diferentes contas de edición

• Ten binarios para as principais distribucións GNU/Linux

• Precisa Qt4 e as bibliotecas de KDE4. Ademais emprega unha biblioteca modificada de Kblog(BilboKBlog)

• Precisa KDELibs, KDEPimLibs e os paquetes das bibliotecas de desenvolvemento Boost

• Emprega o motor de base de datos SQLite para gardar os datos

  Fonte: http://www.kdeblog.com/boglio-un-cliente-de-blogs.html