A Asociación de Usuarios de GNU/Linux de Ordes, Inestable, manterá unha charla-coloquio sobre software libre o vindeiro xoves día 12 de marzo na aula informática do IES Nº 1 de Ordes co alumnado de informática de 4º de ESO. O encontro celebrarase por segundo ano consecutivo, dada a boa acollida suscitada na pasada ocasión. A iniciativa, que se enmarca dentro do programa de actividades prevista polo centro para a celebración da súa “Semana da Ciencia” terá, como un dos principais focos de interese, a presentación do Galinux, o sistema operativo libre e en galego promovido pola Dirección Xeral de Promoción Industrial e da Sociedade da Información.
Todos os asistentes á charla, tanto persoal docente como alumnado, recibirán un exemplar do Galinux para que poidan probar dende a casa as características expostas polo responsábeis do encontro.
Fonte: Inestable
