O web Federaltimes.com , especializado en información para xestores e executivos da Administración Federal americana recolle unha valoración sobre a funcionalidade práctica e a experiencia vivida nos últimos 10 anos de uso de software libre no NIH (equivalente ao Sergas) e para o DoD (Ministerio de Defensa) americano.
No sector da saúde salienta o estudo do impacto dos fármacos mediante un sistema de clústers creados con computadores ordinarios que permiten o procesamento de secuencias de ADN ou de simulacións moleculares sobre a procesos de longo tempo nas células (Biowulf). Segundo os seus deseñadores o sistema que leva en funcionamento desde 1999, puido manterse e medrar sen pausa porque o custos do software empregado foron practicamente nulos; así o aforro en licenzas e mantemento puido derivarse ao hardware para ampliar o sistema. A estimación dos custos de licencia serían actualmente de 770.000 dólares, mantemento á parte.
No entanto, o interese do Swl é tanto o aforro de custos como a posibilidade de mellora ou adaptación. Debido a que permite a un usuario ver todas as liñas de código, o usuario pode personalizar unha aplicación para facer exactamente o que se necesita.
Esa flexibilidade é especialmente apreciada polos xestores no Ministerios de Defensa xa que o software libre permítelles compartir datos entre distintos sistemas que convén conectar (interoperabilidade) sen estar limitado o Ministerio polas licenzas. Non só compartir datos senón o mesmo software que pode ademais ser actualizado e corrixido seguindo as prioridades e calendario da axencia e non o do vendedor.
Outra das vantaxes comprobadas é a reutilización de software mellorado ou adaptado na colaboración entre distintos departamentos oficiais, que o fai máis seguro e fiábel. De feito algúns dos xestores estan a preparar un informe, que se publicará en novembro, sobre os aspectos que se recomenda ter en conta á hora de seleccionar o software, entre os que está a afirmación de que o de código aberto é eficaz para o DoD (Defensa).
Limpeza de código
O software de fonte aberta é moito máis limpo que o código de propiedade. Segundo Michael Tiemann de RedHat, este último ten entre 20 e 30 erros por cada 1000 liñas de código,
Polo contrario, o de fonte aberta ten menos dun erro por cada 1000 liñas de código. Isto significa que os programas construídos sobre plataformas de fonte aberta teñen menos problemas: “A peor entre as 32 aplicacións máis populares de fonte aberta ten unha densidade 50 veces mellor de defectos que o a do software de propiedade”, dijo Tiemann.
Precaución en materia de seguridade
Que teña mellor folla de servizo en seguridade non significa que sexa seguro ao 100%. Malia que ”linux” se considera ten unha alta reputación en seguridade e conta co apoio de empresas que poden ofrecerlles aos usuarios que o necesiten seguridade, algúns programas informáticos de código abierto son simplemente programas creados pola comunidade, é dicir, sen apoio ou sen ninguén dedicado a garantir o código fonte fronte á vulnerabilidades. Daquela, antes de seleccionar o software débese facer un estudo maior que co software de propiedade.
Exactamente como con calquera provedor, os organismos deben preguntar quen é o provedor, que calide ten o seu persoal e se se utilizan as prácticas recomendábeis de seguridade.
Fonte: FederalTimes
