Mañá 20 de outubro de 16:00 a 20:00 horas celébrase na Aula CeMIT do Centro Cívico de Eirís, un obradoiro de desenvolvemento de aplicacións Android organizado polo Centro Demostrador TIC.
O curso vai dirixido a profesionais TIC con coñecementos de programación, preferiblemente Java, aínda que ao ser unha introdución a Android calquera persoa pode asistir.
O curso correrá a cargo dos docentes Rafael Gonzáles Centeno e Óscar López, colaboradores da compañía Alén Multimedia, S.L.L., empresa dedicada ao desenvolvemento e implantación de servizos de comunicación multimedia, que abarca un extenso abanico de campos: web, multimedia, deseño, solucións publicitarias, formación, hosting etc.
Nesta sesión de introdución á programación para Android tratarase a arquitectura e os principais compoñentes, co fin de dar unha visión global para facilitar os primeiros pasos nesta plataforma.
O programa deste obradoiro de introdución é o seguinte:
- Introdución
- Estrutura dun proxecto en Android
- Compoñentes
- Activity, View, Service, Content Provider, Broadcast Receiver, Widget, Intent, Layouts
- Interface
- Botóns, eventos de botón, Checkboxes e RadioButtons
- Configuración dun AVD (Android Virtual Device ou Simulador)
- Configuración dun proxecto en Android e Hola Mundo
- Tipos de mensaxes en Android
- Mensaxes Toast
- Mensaxes de alerta
- Utilización do LogCat (imprimir mensaxes de depuración por consola)
- Creación de actividades
- Creación de Activitys
- Ciclo da vida das actividades
- Traballar con vistas
- Disposición dos elementos na pantalla
- Barra de accións (ActionBar)
- Engadir ActionBar na aplicación
- Efectos sonoros e música de fondo
- Creación dunha pequena aplicación de proba na que deseñaremos as nosas propias vistas e utilizaremos os conceptos vistos ata agora
Os interesados poden acceder ao espazo usuario do CDTIC para se inscribir nesta acción formativa.
