Dende GALPon infórmannos que xa está en marcha o obradoiro correspondente ao mes de Abril do 3º ciclo de Sábados Libres na Altamar.
Aproveitamos para lembrar que o obradoiro que terá lugar este próximo sábado 11 de abril, Seguridade nas comunicacións e nas transaccións en entornos libres, realmente corresponde ao mes de marzo, aínda que tivo que ser adiado por mor das festividades de finais de marzo.
Así pois o 4º obradoiro deste ciclo celebrase como é costume, o último sábado de mes, o sábado 25 de abril e leva por título “Drupal de 0 a 100”. Tratarase dun obradoiro eminentemente práctico, que estará dirixido por Alberto Permuy, responsábel técnico de //Codery e membro de O Zulo.
O obradoiro vai dirixido a quen:
- Teña na súa organización, empresa, escola, etc. un sitio web sobre Drupal e queira aprender a administralo.
- Estea interesado en aprender a instalar e deseñar servizos sobre Drupal e antes queira coñecer en detalle que posibilidades lle ofrece.
- Sexa un curioso da tecnoloxía e queira coñecer mellor este CMS.
O programa completo é o seguinte:
XORNADA DE MAÑÁ (de 10:00 a 14:00 horas)
- Visión xeral dun proxecto web Drupal
- Ecosistema Drupal
- Kit de ferramentas
- Boas prácticas de administración e desenvolvemento.
- Caso práctico
- Presentación do proxecto e obxectivos
- Entidades e tipos de contidos
- Administración e fluxo de traballo
XORNADA DE TARDE (de 16 a 18:30)
- Xestión eficiente Drupal
- Ferramentas básicas
- Drupal dende liña de ordes
- Instalación e actualización de módulos e «core»
- Xestión de usuarios e contidos
- Optimización Drupal
Como sempre os interesados en asistir deben apuntarse previamente no correspondente formulario de inscrición.
Así mesmo poden seguir o desenvolvemento e as novidades desta actividade no evento no G+.
