Durante o mes de xuño, a Rede de Dinamización organizará diversos obradoiros sobre novas tecnoloxías e entre eles, como sempre, destacará a gran presenza do software libre.
Así, durante o mes de xuño en Vilagarcía, teremos dous obradoiros de software libre:
-
Obradoiro do procesador de textos Writer, da conxunto ofimático OpenOffice.org, que terá lugar desde o 22 ao 26 de xuño, cunha duración aproximada de 10 horas e no que se pretende que a persoa que asista adquira os coñecementos necesarios para crear e editar un documento de texto, darlle formato, incluír imaxes e textos, etc…
-
Obradoiro de instalación e configuración de Galinux: este obradoiro tamén ten unha duración de 10 horas e nel preténdese instalar, configurar e coñecer o sistema operativo libre e en galego Galinux, así como tamén outros sistemas de similares características como Trisquel. O obradoiro terá lugar desde o 29 de xuño até o 5 de xullo.
Outros obradoiros son:
-
Procesador de textos: Writer en Boiro, cunha duración de 12 horas; do 1 ao 17 de xuño, enfocado a persoas maiores e que terá lugar na aula móbil, cun horario de 10:00 a 12:00 h.
-
Procesador de textos: Writer en Salceda de Caselas, tamén nas mesmas datas que o de Boiro, pero dirixido ao público en xeral en horario de luns, mércores e venres de 10:30 a 12:00, na aula da Rede de Dinamización do concello.
-
Procesador de textos: Writer en Valga, en horario de martes, mércores e xoves, de 10:00 a 11:00 horas do 2 ao 18 de xuño.
