CartoLab, o Laboratorio de Enxeñería Cartográfíca da ETS de Caminos, Canales e Portos, busca incorporar novo persoal para o Grupo de Desenvolvemento. Busca persoas interesadas na programación sobre Sistemas de Información Xeográfica baixo a filosofía do software libre para afianzar o traballo que veñen realizando nos últimos anos, consolidar unha serie de proxectos en marcha e avanzar en novas iniciativas.
Para iso oferta bolsa/contrato para participar nos proxectos relacionados coas tecnoloxías da información e os sistemas de información xeográfica. O perfil requirido é de Enxeñeiro Técnico ou Superior de Informática, ou estudante dos últimos cursas das titulacións mencionadas.
Ofrécese a posibilidade de formación e de participación en proxectos de alto interese tecnolóxico.
Valorarase:
- Coñecementos de Java2 SE
- Experiencia en servizos web
- Experiencia con SIX
- Coñecementos en software libre
Condicións:
- Horario flexible
- Equipo de traballo dinámico e multidisciplinar
- Tempo: 3 meses (prorrogables)
- Soldo en función de valía e adicación (base de referencia 1.000 € / mes netos a xornada completa)
As persoas interesadas poden enviar o seu currículum antes do 1 de decembro a: cartolab en udc.es
Fonte: CartoLab
