En Wireless Galicia precisan dun analista/programador PHP con ampla experiencia en contornas LAMP. Requírese unha persoa familiarizada con metodoloxías de desenvolvemento áxiles e con gusto pola programación e o Software Libre. As funcións do posto serán principalmente a consultoría e desenvolvemento de aplicacións baseadas en LAMP e a implantación e personalización de aplicacións libres como Joomla, Typo3, osCommerce.
Os requirimentos son:
- Estudos mínimos: A partir de FP de grado superior.
- Experiencia mínima de 2 años en contorno PHP.
- Coñecementos amplos da plataforma LAMP (Linux, Apache, Mysql, PHP, Perl), HTML, XHTML/CSS, XML, PostgreSQL e JavaScript.
- Experiencia en PHP 4/5 orientada a obxectos.
- Experiencia no uso do repositorio PEAR de extensións PHP (QuickForm, Pager…).
- Os candidatos deberán presentar o seu portfolio ou referencias de proxectos nos que teñan participado.
Ademais destes requirimentos obrigatorios valorarán:
- Experiencia no desenvolvemento de proxectos de envergadura.
- Coidado pola escritura de código optimizado e limpo en PHP.
- Experiencia ou capacidade para traballar en sitios Web de elevado tráfico.
- Experiencia escribindo código optimizado e limpo en PHP.
- Experiencia na utilización de Subversion e Smarty.
- Ter traballado con aplicacións open source de uso estendido como Joomla, Typo3, WordPress, osCommerce, Sugar CRM, Openbravo, Alfresco, etc.
- Experiencia na busca e localización de solucións Open Source en repositorios como sourceforge.net.
Os candidatos poderán enviar o seu CV e/ou carta de presentación a través de calquera dos medios que indican na oferta publicada na súa web .
