Open TDT é unha plataforma baseada en compoñentes de código aberto, que ten como obxectivo ofrecer un contorno de desenvolvemento de servizos ao cidadán por parte de Administracións locais mediante o uso de servizos TDT e que permitan a integración cos seus sistemas de información.
Os servizos desta plataforma foron desenvolvidos en J2EE e os principais compoñentes que a forman son:
-
JDK v 1.5.0_11(Java Development Kit)
-
OpenCMS v 6.2.2
-
Servidor de aplicativos JBOSS 4.0.5.GA
-
MySQL v 4.1.12
Aínda que o emprego da Internet leva medrado moito nos últimos anos, hai grandes colectivos da sociedade que non fan uso deste medio; este feito é unha traba á introdución da Administración electrónica como práctica habitual dos cidadáns.
A televisión pola contra está presente en case todos os fogares, polo que a TDT é unha aposta de futuro para a implantación da sociedade da información e os servizos electrónicos, xa sexa en colectivos de cidadáns que non empreguen Internet, ou como medio alternativo para o acceso a certos servizos á persoa usuaria de servizos de Internet.
Moitas Administracións locais poderán ofrecer servizos ao cidadán a través de diferentes canles locais, autonómicas ou nacionais.
As características máis sobranceiras de Open TDT son:
-
Posúe tres niveis de aplicación: interactivas, interoperabilidade e backoffice
-
Desenvolvemento baseado no patrón modelo-vista-controlador
-
Solución orientada a servizos web
-
É unha plataforma segura, posto que as comunicacións baséanse no protocolo HTTP sobre SSL
-
É una solución escalábel
-
Emprega o estándar MHP
-
Multiplataforma, multiusuario, multiproceso
-
Desenvolvida en Java, compatíbel con especificacións J2EE
-
Arquitectura orientada a servizos (SOA)
-
Bus de servizos web (SOAP)
-
Intercambio de datos XML
-
Sindicación de contidos mediante RSS 2.0
-
Acceso a base de datos mediante JDBC 2.0
