Open Web Messenger, software libre para a axuda en vivo

Open Web Messenger é unha implementación, en código aberto, dun sistema de conversa instantánea, que permite ser integrado facilmente en calquera sitio web.

Con estas característica, o aplicativo configúrase como unha ferramenta ideal para ofrecer apoio técnico e axuda en vivo aos visitantes ou aos clientes potenciais de calquera portal. Algo que a longo prazo podería traducirse nun incremento de afluencia de visitas e vendas en liña.

Este programa funciona incluíndo na interface da web un botón -a propia ferramenta trae varios modelos predeterminados- co que se accede directamente ao sistema de conversación instantánea.

Actualmente o aplicativo está dispoñíbel en seis idiomas: castelán, inglés, francés, alemán, ruso, polaco e chino, pero a comunidade ten aberta a localización a calquera idioma.