Esta comunidade dispón dunha base de datos compilada manualmente, de varios tipos de recursos imprescindíbeis para levar a cabo un bo desenvolvemento de calquera xogo. Dende efectos gráficos 2D e 3D ata efectos de audio, e todos liberados baixo licenzas libres.
Contar con esta base de datos aforra moito tempo aos desenvolvedores xa que para atopar case calquera efecto de son que lle queiran meter ao xogo ou efecto gráfico só teñen que botar man desta base de datos.
O obxectivo principal desta iniciativa e achegar aos desenvolvedores material de alta calidade co que poidan crear os seus xogos de software libre sen precisar botar man de alternativas comerciais restrinxidas polos seus dereitos de autor.
A web coa que ten dispoñíbel OpenGameArt.org é colaborativa e todo seu contido está liberado baixo licenzas GPLv2, LGPLv2, GPLv3, LGPLv3 e Creative Commons. Ademais tamén conta cun foro no que tratar calquera tema relacionado co deseño de xogos libres ou de temas legais deles.
Fontes: VivaLinux e KDEBlog.com
