PDFCreator é unha ferramenta en software libre que nos permite, dunha maneira moi sinxela, crear ficheiros PDF desde case calquera aplicación de Windows (se usas calquera distribución de Linux, esta opción xa a adoita traer de modo predeterminado, ao poder imprimir directamente nun ficheiro PDF/PS).
As características de PDFCreator son:
- Creación de PDF desde calquera programa que teña a opción de imprimir.
- Seguridade: cifrado de PDF e protección para apertura, impresión, etc…
- Envío dos PDF xerados por correo-e.
- Exportación a outros formatos, non só PDF: PNG, JPG, TIFF, BMP, PCX, PS, EPS.
- Xuntar varios PDF nun só ficheiro.
- Instalación sinxela.
- PDFCreator é libre, liberado baixo os termos da licenza GPL.
