Os responsables desta iniciativa , conscientes da dificultade de atopar á venda computadores e portátiles con sistemas operativos que non sexan de Microsoft, decidiron fomentar o uso de alternativas libres, desmarcándose das imposicións do mercado.
Esta empresa galega vende computadores de sobremesa e portátiles con GNU/Linux. Ofrecen a posibilidade de gozar do sistema operativo libre Ubuntu (ou calquera outro do seu gusto) dende o primeiro momento trala compra. O cliente non ten que preocuparse da instalación nin da configuración, os computadores veñen con todos os programas, codecs e aplicativos necesarios para realizar calquera tipo de tarefa.
Entre a oferta desta empresa atopamos portátiles e computadores de sobremesa con GNU/Linux, ou con instalación dual, cun sobrecargo pola licenza do sistema de microsoft.
