Nun correo electrónico enviado por Paul W. Frields, empregado de Red Hat e líder do Proxecto Fedora, hoxe mesmo á lista de anuncios de Fedora pódese ler o seguinte anuncio sobre a nova versión da distribución, chamada Constantine:
Estou orgulloso de anunciar o publicación de Fedora 12, a última e innovadora distribución de Linux do Proxecto Fedora, unha sociedade global e colaborativa de membros da comunidade do software libre patrocinada por Red Hat.
Se non podes esperar para obter a distribución, simplemente visita:
Se queres obter unha impresión rápida do destacado neste lanzamento, bota un ollo:
O texto deste anuncio tamén se pode atopar en:
No mesmo correo electrónico pódese atopar unha longa lista de novidades incluídas nesta nova versión da distribución, que inclúen as seguintes:
- Rendemento optimizado: Todos os paquetes da arquitectura x86_32 foron compilados para sistemas i686, pero sen perder a compatibilidade coa gran maioría de procesadores
- Actualizacións máis pequenas e rápidas: En Fedora 11 o plugin opcional “yum-presto” reduciu o tamaño das actualizacións ao permitir transmitir só os cambios dos paquetes actualizados. Agora ese plugin está instalado de xeito predeterminado.
- Melloras na compatibilidade gráfica
- Melloras no eido da virtualización
- Informe automático de fallas e incidencias con SELinux
Pódese ver unha lista completa das melloras no wiki do proxecto.
