MonoDevelop, o contorno integrado de desenvolvemento (IDE, polas súas siglas no inglés) deseñado principalmente para ser empregado con C# e outras linguaxes .NET, publicou a versión 2.2 beta 1. Esta é a primeira versión deste contorno de desenvolvemento con compatibilidade multiplataforma oficial, con versións para Windows e Mac OSX.
Entre as características máis destacadas desta nova versión deste aplicativo atopamos:
- A compatibilidade coas citadas plataformas Windows e Mac
- Compatibilidade con múltiples runtimes
- Configuración de formatado dependente do tipo MIME
- Varias melloras no editor de texto
- Un novo motor de refactorización de código, con novas funcións
- Cambios no control de versións
- Compatibilidade inicial con .NET 4.0
- Cambios no depurador
E moitos máis cambios e melloras, que se poden consultar na páxina de novidades da versión.
MonoDevelop, que xurdiu como unha adaptación do contorno de desenvolvemento SharpDevelop a GTK+ a finais de 2003, é actualmente parte do proxecto Mono.
