Hermes é un proxecto do LUG coruñés GPUL co obxectivo principal de levar Software Libre a calquera lugar onde é necesitado pero non hai ancho de banda suficiente como para descargalo. Os seus destinatarios son países onde a banda larga non existe, é demasiado cara, ou a compra das distribucións no extranxeiro é prohibitiva para o usuario/programador medio.GPUL acaba de realizar o primeiro envío con destino Cuba de 21 CD con Debian Etch. O grupo espera que sexa o primeiro envío de moitos e buscará a coordinación con outros grupos de todo o mundo para chegar a calquera recuncho do planeta.
Páxina do Proxecto Hermes.
