O día de onte recibiamos a boa nova da publicación dunha nova versión da popular distribución Fedora.
Nada como tal en 2003, logo de que o soporte para Red Hat Linux terminase, evolucionando dende un proxecto comunitario que poñía a disposición software adicional para Red Hat Linux, a versión 27 chega para que poidamos desfrutar de GNOME 3.26, LibreOffice 5.4, co cal poderemos firmar documentos empregando OpenGPG, Firefox 57 e Kernel Linux 4.13.9.
