Zimbra Collaboration Suite, a coñecida plataforma de colaboración mercada por Yahoo! Inc. no ano 2007, acaba de presentar a súa versión 6.0. Pódese conseguir a edición Open Source dende a zona de descargas do apartado Community da súa web.
Nesta nova versión podemos atopar as seguintes melloras:
- Unha nova vista de tres paneis horizontais coas mensaxes á dereita
- Agora hai separadores para mensaxes individuais así como para a páxina de redacción
- Acceso aos documentos e ao maletín dende o cliente HTML estándar
- Capacidade para executar filtros de correo existentes sobre os contidos dun cartafol
- Melloras no manexo de conflitos no recurso de auto-aceptar ou auto-declinar do calendario
- Vista “gran angular” no calendario, xa dispoñíbel en Zimbra Desktop
- Actualización automática de fontes RSS e de eventos ICS programábel
- Listas negras e brancas por usuario mostradas na área de preferencias de correo
- Revisións no cliente web para móbiles, incluíndo unha páxina de inicio de sesión, melloras na creación de citas, e seis novas variantes, baseadas no tipo de dispositivo e na velocidade da conexión
Hai moitas máis melloras e novas características, podéndose consultar nesta ligazón.
