‘Q’ DVD-Author, programa de creación de DVD acaba de chegar á versión 1.0 final. Con esta versión, o autor do programa ven de corrixir unha gran cantidade de pequenos erros ademais de incluír máis funcionalidades.
‘Q’ DVD-Author realmente é unha interface gráfica para o programa dvdauthor e outras ferramentas máis que permite dunha maneira sinxela a creación de DVD con menú, presentación de diapositivas, vídeos, incluír subtítulos, música de fondo, etc.
Ademais o programa ‘Q’ DVD-Author está dispoñible para a súa tradución no Entrans de Mancomún, na seguinte ligazón:
‘Q’ DVD-Author no Entrans
O estado actual do proxecto é que está validado un 27% da tradución, un 19% está pendente de revisar e falta por traducir un 54%.
A lista de cambios:
- Arranxada un erro coa ventá de creación de presentación de diapositivas.
- Actualizado con dvd-slideshow 0.8.0
- Implementada unha nova funcionalidade de ‘micro’ botóns.
- Mellorado a ventá para xestión de subtítulos para poñer todos os subtítulos nun só grupo.
- Arranxados diversos erros menores.
Máis información na páxina do proxecto en SourceForge:
http://qdvdauthor.sourceforge.net/
