O gurú do SwL estará o día antes na cidade de Ourense da man da agrupación GULO
Se o pasado luns 13 de abril anunciabamos dende Mancomún a visita de Richard M. Stallman a Galiza para impartir un relatorio na cidade de Ourense, hoxe ampliamos o texto da nova informando sobre a parada que posteriormente realizará o fundador da Free Software Foundation (FSF) en Vigo.
Segundo informa a web do Máster de Software Libre de Caixanova, Richard Stallman -membro do comité asesor do ciclo– impartirá na cidade olívica dúas conferencias abertas ao público no marco do programa oficial do Máster. O acto terá lugar no Auditorio do Centro Cultural Caixanova o 30 de Abril ás 16:00h.
O programa da xornada será o seguinte:
-
O movemento do Software Libre, por Richard Stallman.
-
Entrega dos diplomas aos alumnos da edición do Máster 2007/2008.
-
O perigo das patentes, por Richard Stallman.
Aínda que a entrada é libre, para o control do aforo requírese que cubra a solicitude de inscrición no seguinte formulario web.
